Victor Boniface don chop belleful for him first season for Bundesliga and fans don reward am by selecting am enter di prestigious Bundesliga Team of the Season.
Di Super Eagles striker shine wella for Xabi Alonso’s Bayer Leverkusen squad, gather 20 goal contributions even though e bin dey injured for almost four months.
Boniface na among di six Leverkusen players wey fans choose based on top performance dis season.
Leading di attack for di Team of di Season na England captain Harry Kane, with Victor Boniface and Serhou Guirassy dey flank am for di left and right respectively.
For di midfield trio, Leverkusen get two reps – Granit Xhaka and elite play-maker Florian Wirtz – plus Jamal Musiala join them.
For defence line, Leverkusen’s Alex Grimaldo, Jeremie Frimpong and defender Tah shine wella, and Stuttgart’s Anton join them.
Gregor Kobel of Borussia Dortmund na di goalkeeper.
Full Bundesliga Team of Season:
Forwards: Victor Boniface, Harry Kane, Serhou Guirassy.
Midfielders: Granit Xhaka, Florian Wirtz, Jamal Musiala
Defenders: Alex Grimaldo, Jeremie Frimpong, Tah, Anton.
Goalkeeper: Gregor Kobel
